வாரிசுகளுக்கு உதவிக்கரம் நீட்டிய ரஜினி மகள்

சென்னை, செப். 14– இயக்குநர்கள், உதவி இயக்குநர்களின் வாரிசுகளுக்கு இயக்குநர் ஐஸ்வர்யா ரஜினிகாந்த்  ஆண்டு தோறும், 10 லட்ச ரூபாய் கல்வி உதவி வழங்குவதாக உறுதி அளித்துள்ளார்.

இதன் முதற்கட்டமாக 2024 ஆம் ஆண்டிற்கு நேற்று முன்தினம் 5 லட்ச ரூபாயை இயக்குனர்  சங்கத் தலைவர் ஆர்.வி.உதயகுமாரிடம் ஐஸ்வர்யா வழங்கினார். உடன் செயலாளர் பேரரசு , பொருளாளர் சரண் , பெப்ஸி தலைவர் ஆர்.கே. செல்வமணி ஆகியோர் இணைந்து பெற்றுக்கொண்டனர்.

நிர்வாகிகள் இயக்குனர்கள் எழில், சி. ரங்கநாதன், மித்ரன் ஜவகர், எஸ்.ஆர்.பிரபாகரன் மற்றும் செயற்குழு உறுப்பினர்கள் கலந்து கொண்டு ஐஸ்வர்யாவிற்கு நன்றி தெரிவித்தனர்.